Kærustuparið Sæmundur Hrafn Linduson pródúsent og Bergrós Halla Gunnarsdóttir tónlistarmaður hafa fest kaup á íbúð saman. Um er að ræða 56,9 fm íbúð við Vífilsgötu í Reykjavík. Íbúðina keyptu þau af leikaranum Júlí Heiðari Halldórssyni sem nú er búinn að kaupa íbúð með kærustu sinni, leikkonunni Þórdísi Björk Þorfinnsdóttur.
Íbúðin er afar sjarmerandi og fallega innréttuð. Búið er að skipta um innréttingar í eldhúsi og á baðherbergi og eru smekklegheitin í forgrunni eins og sést á myndunum.
Smartland óskar þeim hjartanlega til hamingju með íbúðarkaupin!