Við Dimmuhvarf í Kópavogi er að finna 337 fm einbýli sem byggt var 2008. Árið 2017 hlaut húsið verðlaun frá Kópavogsbæ fyrir hönnun. Húsið er á tveimur hæðum og sérlega vel skipulagt og reisulegt. 

Hjónin Ævar Rafn Björnsson lögmaður og Helga Sigurrós Valgeirsdóttir fyrrverandi aðstoðarmaður Sigurðar Inga Sigurðssonar og núverandi forstöðumaður hjá Arion banka eru eigendur hússins. Húsið hefur verið í þeirra eigu frá upphafi. 

Heimilið er smekklega innréttað með litríkum húsgögnum sem raðað er upp tilfinningu. Sæblár litur er áberandi í húsinu ásamt gráum tónum. Stór arinn skilur af stofu og borðstofu með einstökum hætti. 

Í eldhúsinu eru sérsmíðaðar innréttingar sem eru að hluta til úr bæsaðri eik og hinsvegar hvítar sprautulakkaðar. 

Af fasteignavef mbl.is: Dimmuhvarf 15