Í sumarbústaðalandi við Flúðir í Hraunamannahreppi má finna stórglæsilegt 139 fermetra sumarhús. Húsið er hannað af innanhússhönnuðinum Sæbjörgu Guðjónsdóttur, eða Sæju eins og hún er oftast kölluð.
Húsið er á einni hæð með þremur svefnherbergjum og tveimur baðherbergjum. Úr forstofunni er gengið inn í alrýmið sem rúmar stóra og glæsilega stofu með gólfsíðum gluggum og fallegt eldhús. Flotað gólfið tónar sérlega vel við bandsagaða hnotu sem prýðir loftin, en mikil lofthæð er í húsinu.
Í setustofunni er steyptur sófi sem gefur rýminu skemmtilegan karakter. Sérsmíðuð innrétting frá Beyki úr dökkbæsuðum hlyn prýðir eldhúsið sem er með fallegri steyptri borðplötu.
Útgengt er á veröndina á þremur stöðum í húsinu, en þar má finna heitan pott og skjólvegg. Húsið er klætt með brenndu lerki sem gránar með tímanum.