Lýtalæknirinn Paul Nassif hefur sett glæsilega eign sína í Bel Air, Los Angeles á sölu. Nassif er þekktur fyrir raunveruleikaþætti sína Botched, en í þáttunum reyna þeir Terry Dubrow að snúa við fegrunaraðgerðum sem mistakast.
Eignin er yfir 1.000 fermetrar að stærð og er staðsett á 1,3 hektara landi. Í húsinu eru sjö svefnherbergi, fjórtán baðherbergi og tvær sundlaugar. Innanhússhönnuðurinn Faye Resnick kom að hönnun eignarinnar sem er sett á 29 milljónir Bandaríkjadala, sem eru rúmir fjórir milljarðar íslenskra króna.
Tvö eldhús, hitastýrt vínherbergi og tólf sæta bíóherbergi eru í eigninni ásamt útieldhúsi, vínbar, líkamsrækt, eimbaði og gufubaði.