Landsliðskokkurinn Georg Arnar Halldórsson og unnusta hans, Snædís Hjartardóttir, hafa fest kaup á 185 fm raðhúsi við Goðaland í Fossvogi. Húsið keyptu þau ásamt foreldrum Snædísar og greiddu 165 milljónir fyrir húsið.
Húsið er á einni hæð og afar sjarmerandi en frétt um húsið birtist á Smartlandi á dögunum.
Húsið er staðsett neðarlega í þessu vinsæla hverfi en veðursæld á svæðinu er mikil. Húsið var byggt 1971 og er að finna upprunalega eldhúsinnréttingu í húsinu sem er með bláum flísum á milli skápa.
Það mun væntanlega ekki væsa um fjölskylduna í húsinu enda er hönnun þess skemmtileg.