Þorgeir Frímann Óðinsson, formaður Samtaka leikjaframleiðenda, IGI, og framkvæmdastjóri tölvuleikjafyrirtækisins Directive Games, hefur sett íbúð sína í Asparfelli í Breiðholti á sölu.
Íbúðin er ákaflega smekklega innréttuð og er án efa einstök en hún telur alls 221 fermetra og er á efstu hæð í átta hæða blokk.
Henni fylgja þar að auki 70 fermetra svalir með lokuðum og hellulögðum garðskála. Eldhúsið er sérlega glæsilegt en þar er að finna ljósgræna innréttingu sem grípur augað. Í borðstofunni er svo langt og fallegt viðarborð sem tekur fjórtán í sæti.
Í stofunni er gríðarlega fallegur arinn sem setur svip á rýmið.