Við Mýrargötu í Reykjavík er að finna glæsilega 154 fm íbúð á annarri hæð í skemmtilegu húsi sem byggt var árið 2014. Hönnun hússins hefur vakið athygli þar sem opinn garður er í miðju hússins ásamt stórum sameiginlegum þaksvölum til afnota fyrir íbúa hússins. 

Í alrými íbúðarinnar eru stofa, borðstofa og eldhús með gólfsíðum gluggum sem gefa rýminu mikla birtu og glæsilegt útsýni til sjávar. Hönnunarljós frá 101 Copenhagen prýðir borðstofuna ásamt hinum undurfögru Elephant borðstofustólum frá NORR11 sem gefa rýminu mikinn glæsibrag. 

Í eldhúsinu er falleg innrétting með hvítum kvarts-steini, en eldhúseyjan setur sterkan svip á rýmið. Þar má sjá skemmtilega útfærslu á vinsælu String-hillunum þar sem fallegu leirtaui er raðað í hillurnar. 

Fjögur svefnherbergi og þrjú baðherbergi eru í íbúðinni, þar af er stórt hjónaherbergi með góðu skápaplássi. Gólfsíðir gluggar gefa herbergjunum skemmtilega stemmningu.

Af fasteignavef mbl.is: Mýrargata 26