Vorið 2021 var glæsilegt einbýli auglýst til sölu. Húsið er við Skildinganes í Reykjavík og er 326,9 fm að stærð. Þetta fallega einbýli var hannað af Sigvalda Thordarsyni arkitekt en hugverk hans hefur verið eftirsótt hjá landsmönnum.  

Frétt af mbl.is

Sigvaldahús sem þarfnast ástar falt fyrir 225 milljónir

Húsið við Skildinganes var komið til ára sinna og var með gömlum gólfteppum og upprunalegum innréttingum. Litrík veggfóður voru á veggjum og loftklæðningar orðnar gamlar og lúnar. Þrátt fyrir að fegurðin hafi verið allsráðandi þá var kominn tími á endurbætur því gólfefni og innréttingar endast því miður ekki endalaust. Ásett verð var 225 milljónir þegar það var fyrst auglýst til sölu.

Yngvi Örn Kristinsson er nýr eigandi hússins en kaupin fóru fram 10. maí síðastliðinn. Á þeim tíma sem húsið var á sölu lækkaði verðið töluvert því Yngvi Örn keypti húsið á 152 milljónir. 

Tengdar fréttir

Sigvaldi Thordarson

Falin Sigvalda-perla í suðurhlíðum Kópavogs

• Eins og einbýlishús í blokk
• Hulin Sigvaldaperla á Norðurlandi
• Partí í Ásmundarsal til heiðurs Sigvalda
• Sigvaldahús sem þarfnast ástar falt fyrir 225 milljónir

» Fleiri tengdar fréttir

• Blogga um frétt