Tónlistarmaðurinn Davíð Sigurgeirsson hefur fest kaup á 80 fm íbúð við Hringbraut í Hafnarfirði. Davíð keypti íbúðina í vor en áður bjó hann með fyrrverandi eiginkonu sinni, Jóhönnu Guðrúnu Jónsdóttur tónlistarmanni, í fallegu einbýlishúsi í sama bæjarfélagi. Leiðir þeirra skildi í fyrra.
Nýja íbúðin er í húsi sem byggt var árið 1947 og er íbúðin björt og falleg. Parket er á gólfum og sprautulakkaðar innréttingar í eldhúsi. Þegar íbúðin fór á sölu var ásett verð 49,9 milljónir en Davíð keypti hana á 52 milljónir.
Smartland óskar honum til hamingju með nýja heimilið!