Achillefs Konstantakopoulos hefur fest kaup á 178,9 fm íbúð við Bryggjugötu í Reykjavík. Hann greiddi 280 milljónir fyrir íbúðina sem er á fjórðu hæð. Íbúðirnar við Bryggjugötu hafa verið töluvert í fréttum en þær þykja vandaðar og glæsilegar.
Það ætti ekki að fara illa um hann í íbúðinni enda fallegt útsýni út á sjó og stutt í alla menningu sem miðbær Reykjavíkur hefur að geyma.
Smartland greindi frá því fyrr á árinu að ein dýrasta íbúð landsins hefði verið seld en hún er einnig við Bryggjugötu og var það Jónas Hagan Guðmundsson fjárfestir sem keypti íbúðina eftir að hafa búið í fallegu húsi í Þingholtunum í nokkur ár.