Við Meðalfellsvatn í Kjós stendur einstaklega sjarmerandi 125 fermetra timburhús. Húsið er bæði hægt að nýta sem lúxusbústað í grennd við höfuðborgina og sem heilsárhús fyrir þá sem vilja búa í sveitinni.
Um er að ræða fjögurra ára arfasmart hús með fjórum herbergjum. Gólfin eru flotuð en þykkar mottur gera heimilið notalegt. Svört eik er gegnumgangandi í húsinu. Eldhús, stofa og borðstofa eru í einu rými en eyjan í eldhúsinu er hjarta heimilisins.
Stutt er að hinu fallega Meðalfellsvatni þar sem hægt er að njóta útivistar. Það kunna margir vel við sig við Meðalfellsvatn en tónlistarmaðurinn Bubbi Morthens bjó með fjölskyldu sinni í Kjós um árabil.