Fimm stjörnu hönnunarbústaður
Setja bókamerki
Tengdar fréttir
Heimili
Í sveitum Viktoríufylkis í suðausturhluta Ástralíu má finna einstaka hönnunarperlu á 80 hektara landi. Villan, sem ber heitið Wensley, er byggð úr endurunnum döglingsviði og ironbark-viði sem gefa henni mikinn karakter.
Hvert smáatriði í villunni er útpælt, en það voru arkitektúr- og innanhússhönnunarstofan Byrne og innanhússhönnunarstofan Lisa Buxton Interios sem sáu um hönnunina. Villan hefur vakið mikla athygli og birst í tímaritum á borð við Architectural Digest og House & Garden.
Mikil lofthæð og stórbrotið útsýni
Mikil lofthæð, gólfsíðir gluggar og hrár efniviður skapa afslappaða og notalega stemningu. Villan er umvafin einstöku umhverfi, en stórir gluggar hleypa mikilli birtu inn og færa gesti nær náttúrunni.
Viður á veggjum og í lofti í bland við hráa steypu ljá eigninni mikinn karakter og tóna vel við ljóst gólfefni og húsmuni.
Draumaeldhús sælkerans
Sannkallað draumaeldhús er í villunni, en þaðan er glæsilegt útsýni yfir nærliggjandi sveitir og búr troðfullt af sælkeravörum. Glæsileg gaseldavél, gæðaofn og fínustu eldhúsáhöld eru í eldhúsinu sem hefur allt sem þarf til að töfra fram dýrindis veislu.
Þrjú svefnherbergi eru í villunni, en þar er þó pláss fyrir allt að tíu gesti hverju sinni. Í svefnherbergjunum er einfaldleikinn í forgrunni, en þar má sjá falleg pappaljós og hörrúmföt.
Frístandandi baðkar inni og úti
Fallegt frístandandi baðkar úr náttúrusteini prýðir annað af tveimur baðherbergjum villunnar. Á baðherberginu má sjá mismunandi viðartóna í bland við hráa steypu og hvítar flísar sem gefa rýminu mikinn glæsibrag. Frá baðherberginu er útgengt á dásamlegan sólpall með útisturtu og stálbaðkari.
Villuna er hægt að leigja út á Airbnb, en nóttin þar kostar um 870 bandaríkjadali, rúmar 125 þúsund krónur.
Tengdar fréttir
Heimili
Stundum er erfitt að fara að sofa
Sama stefna í gildi í útlendingamálum
Segir Samfylkinguna apa eftir Framsókn
Á annað hundrað símtala vegna nikótínvara
„Búið að vera í dreifingu í einhvern tíma“
Gefur ekkert upp um leyfi til hvalveiða
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál