Hraðfréttamaðurinn Benedikt Valsson og unnusta hans, Heiða Björk Ingimarsdóttir hafa sett fallega íbúð sína við Framnesveg í Vesturbæ Reykjavíkur á sölu. Íbúðin hefur verið mikið endurnýjuð á síðustu árum, en hún er staðsett í fallegu fjölbýlishúsi sem byggt var árið 1945. 

Íbúðin, sem er skráð 90 fm að stærð, hefur verið innréttuð á afar smekklegan máta. Í eldhúsinu er stílhrein hvít innrétting, en stór gluggi hleypir mikilli birtu inn í rýmið. Þá hefur svokölluðum „subway-flísum“ verið komið fyrir á veggjum fyrir ofan eldhúsinnréttinguna sem eru í senn klassískar og tímalausar. 

Stofan er rúmgóð og björt, en þar ræður einfaldleikinn ríkjum þar sem fallegir viðartónar í bland við gráa húsmuni mynda notalega stemningu. Tvö svefnherbergi eru í íbúðinni, en þau eru bæði máluð í róandi bláum lit. Frá hjónaherberginu er útgengt á svalir til suð-austurs. 

Af fasteignavef mbl.is: Framnesvegur 57