Hjálmar Örn Jóhannsson, skemmtikraftur og hlaðvarpsstjarna í Hæ hæ, mun bráðlega yfirgefa foreldrahús. Á dögunum festi hann og Ljósbrá Logadóttir unnusta hans kaup á 110 fm íbúð í nýju húsi við Hallgerðargötu í Reykjavík.
Parið hnaut um hvort annað fyrir níu árum og eiga saman tvö börn en Hjálmar átti tvö börn í fyrra sambandi. Fjölskyldan hefur búið á neðri hæðinni hjá foreldrum Hjálmars á æskuheimili hans í Selásnum. Það verða líklega töluverð viðbrigði fyrir Hjálmar að yfirgefa foreldrahús en það mun örugglega fara vel um þau á nýjum stað.
Smartland óskar Hjálmari og Ljósbrá til hamingju með íbúðina!