Fræga fólkið keypti, seldi og gerði upp
Setja bókamerki
Landsmenn veigruðu sér ekki við að flytja sig á milli staða á árinu sem er að líða. Þeir keyptu og seldu og endurbættu vistarverur sínar.
Bubbi og Hrafnhildur skiptu um eldhús
Það ætlaði allt um koll að keyra þegar fréttir bárust af því að listamaðurinn Bubbi Morthens og viðskiptafræðingurinn Hrafnhildur Hafsteinsdóttir létu endurnýja eldhúsið heima hjá sér. Í fyrra fluttu þau úr Kjósinni út á Seltjarnarnes. Hjónin völdu hvíta sprautulakkaða innréttingu frá íslenska innréttingafyrirtækinu Axis og fengu sér marmaraborðplötu ofan á skápana.
Húsið átti að kosta 225 milljónir en fór á 152 milljónir
Það vakti athygli þegar Sigvalda-hús við Skildinganes var selt. Upphaflega átti húsið að kosta 225 milljónir en á endanum lækkaði það um 73 milljónir og var selt á 152 milljónir. Húsið er afar fallegt en það þarfnaðist ástar. Húsið býr yfir öllum einkennum Sigvalda Thordarsonar arkitekts sem naut mikilla vinsælda hér á árum áður og gerir reyndar enn. Yngi Örn Kristinsson festi kaup á húsinu sem er 326 fm að stærð og var byggt 1960. Hann mun án efa gefa því alla þá ást sem það þarf.
Guðbjörg keypti 207 milljóna íbúð við Austurhöfn
Kvikmyndaframleiðandinn Guðbjörg Sigurðardóttir fjárfesti vel á árinu sem er að líða. Það vakti athygli þegar Guðbjörg keypti aðra íbúð við Austurhöfn. Fyrst keypti hún íbúð við Bryggjugötu 2 en svo keypti hún aðra við Reykjastræti 5. Guðbjörg er gift Ottó Guðjónssyni sem er einn af vinsælustu lýtalæknum landsins. Nýja íbúðin er 148,7 fm að stærð og er staðsett á efstu hæð hússins. Fyrir íbúðina greiddi Guðbjört 207 milljónir.
Keyptu 165 milljóna hús við sjóinn
Fjölmiðlakonan Viktoría Hermannsdóttir og skemmtikrafturinn Sólmundur Hólm keyptu nýtt hús á árinu. Hjónin eiga samtals fimm börn og því þurftu þau meira pláss fyrir sig og sína. Fyrir valinu varð 329 fm hús við Faxaskjól í Reykjavík. Hjónin greiddu 165 milljónir fyrir húsið en síðan þá fengu afhent hafa þau verið í töluverðum framkvæmdum til þess að gera það ennþá betra. Hjónin eru í góðri æfingu á því sviði því þau tóku fyrra hús í nefið eins og sagt er. Sóli er ekki bara fyndinn og skemmtilegur heldur líka svona ógurlega handlaginn eins og dæmin sýna.
/frimg/9/58/958224.jpg)
Jóhanna Guðrún og Ólafur keyptu hús saman
Söngkona Jóhanna Guðrún Jónsdóttir var töluvert í fréttum á árinu. Það vakti athygli þegar hún festi kaup á 278 fm parhúsi ásamt kærasta sínum, Ólafi Friðrik Ólafssyni. Parhúsið var byggt 2008 og stendur á einstökum stað í Hafnarfirði. Hverfið er rólegt og barnvænt sem hentar vel fyrir margra barna fjölskyldur.
Vilborg og Helgi yfirgáfu 101 og fluttu í 200 Kópavog
Hjónin Vilborg Halldórsdóttir og Helgi Björnsson fluttu í Kópavog á árinu. Húsið var byggt 1965 og státar af fegurð þess tíma. Það er 218 fm að stærð og var teiknað af Hannesi Kr. Davíðssyni arkitekt. Hjónin festu kaup á húsinu fyrir nokkrum árum en húsið hefur tilfinningalegt gildi því það var áður í eigu fjölskyldu þeirra.
Lilja í Cosmo seldi höllina
Það vakti athygli þegar 516 fm einbýlishús Lilju Hrannar Hauksdóttur, oft kennda við tískuvöruverslunina Cosmo, fór á sölu í fyrra. Húsið er við Haukanes í Arnarnesinu og þykir glæsilegt. Það var þó ekki fyrr en á þessu ári sem húsið skipti um eigendur þegar Snókur ehf. festi kaup á húsinu en það félag er í eigu Hafdísar Bjargar Guðlaugsdóttur. Húsið var byggt 1980 og er eitt af þessum glæsihúsum sem Kjartan Sveinsson teiknaði á sínum ferli.
Eva María og Sigurpáll seldu sumarbústaðinn sinn
Þjóðin stóð á öndinni þegar Smartland greindi frá því að Eva María Jónsdóttir fyrrverandi fjölmiðlakona og núverandi jógakennari hefði sett 24 fm sumarbústað sinn og eiginmannsins á sölu. Um er að ræða lítið krúttlegt heilsárshús sem er upplagt fyrir þá sem vilja eiga afdrep í sveitinni án þess að þurfa að kosta of miklu til.
Ólafur Arnalds keypti dýrt einbýli í 101
Tónlistarmaðurinn Ólafur Arnalds festi kaup á 253 fm einbýli við Marargötu í Reykjavík. Fyrir þetta fallega hús greiddi hann 255 milljónir króna. Hann fékk húsið afhent í janúar og síðan þá hafa framkvæmdir staðið yfir. Hann hefur gert það gott í tónlistarheiminum og ef það er eitthvað sem skapandi fólk þarf þá er það notalegt heimili.
Vélsleðaslys: Þyrlan kölluð út á mesta forgangi
Sex hafa greinst með listeríu
Krefjast stöðvunar framkvæmda
„Umsátursástand“
„Hvílir mikil leynd yfir þessu öllu“
Kostnaður meiri en milljón á fermetra
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál