Fyrirhugað er að 111 stúdentar flytji inn á nýja stúdentagarða þar sem áður var Hótel Saga. Breytingum á húsnæðinu miðar vel áfram miðað við myndir sem Félagsstofnun stúdenta birti í gær.
Nýju stúdentagarðarnir hafa fengið nafnið Saga en Félagsstofnun stúdenta keypti rúmlega fjórðungshlut í húsnæðinu á móti ríkinu í lok árs 2021.
Íbúðirnar eru einfaldar í hönnun en þó glæsilegar. Ljósgrár dúkur er á gólfum en eldhúsinnréttingin er ljós með gráum bekkjum. Skrifborð er innbyggt í innréttinguna.