Björt Ólafsdóttir fyrrverandi ráðherra Bjartrar framtíðar hefur ekki setið aðgerðarlaus síðan hún hætti á þingi. Nú ætlar hún að byggja blokk við Frakkastíg.

Björt, sem var umhverfisráðherra, setti af stað fyrirtækið IÐU ásamt Brynhildi S. Björnsdóttur. Björt er framkvæmdastjóri félagsins en Brynhildur er viðskipta-og þróunarstjóri fyrirtækisins.

„Við í IÐU gengum á dögunum frá hlutafjáraukningu og fengum með okkur öfluga fjárfesta til að hleypa af stokkunum því áhugaverða, en auðvitað krefjandi verkefni, að hanna og byggja fjölbýlishús á Frakkastíg 1 sem unnið verður eftir aðferðum hringrásarhagkerfisins,“ segir Björt á Facebook-síðu sinni. 

Hún segir að mannvirkjageirinn á heimsvísu sé ábyrgur fyrir 40% losunar og það velti mikið á að breyta því. Hún fullyrðir að þeirra hús muni losa 50% minna en viðmiðunarhús. 

„Eitt skref í því er að huga að byggingarefnunum og vera ekki sífellt að henda dýrmætum auðlindum, heldur upphanna og skapa nýtt. Samhliða uppbyggingunni á Frakkastíg erum við í IÐU að vinna að einmitt því fyrir geirann í heild sinni og fengum fyrir það styrk úr ASKI Mannvirkjasjóði á dögunum. Þetta verkefni og þessi vinna síðastliðin tvö á hjá okkur hefur verið skemmtileg- og auðvitað líka mjög krefjandi,“ segir Björt. 

Danska arkitektastofan Lendager með Arnhildi Pálmadóttur arkitekt innanborðs teiknaði húsið.

Tengdar fréttir

Hönnun

Allt á útopnu á HönnunarMars

• Feik eða ekta? Það er spurningin!
• 10 hlutir sem þú vissir ekki að þú þyrftir í sumar
• Stílhreint 105 fm einbýli í Kópavogi
• 5 sjarmerandi eignir sem kosta undir 55 milljónir

» Fleiri tengdar fréttir

• Blogga um frétt