Kaffi er ómissandi hluti af lífinu og það er engin ástæða til að fela kaffivélina inni í tækjaskápnum. Kaffivélar eru af mismunandi stærðum og gerðum og þær ættu að fá að njóta sín á heimilinu.
Hvort sem þú átt flókna og tæknilega espressóvél, einfalda og nútímalega Nespressovél eða Moccamaster í guðdómlegum lit ætti kaffivélin að fá sitt pláss. Kaffið verður ekki gott nema það sé drukkið úr fallegum bolla og því er um að gera að raða fallegum bollum ásamt öðru smádóti við hliðina á kaffivélinni. Ekki láta þig dreyma um að fara á kaffihús, búðu til þitt eigið kaffihús heima hjá þér.
Það er gott pláss fyrir fína kaffivél og fallega bolla í þessu eldhúsi sem Rut Káradóttir hannaði.
Katrín Atladóttir, fyrrverandi borgarfulltrúi, á fallegt eldhús. Hún kann að meta gott kaffi og er með smart kaffikrók heima hjá sér.
Ljósmyndararnir Eydís María Ólafsdóttir og Benjamin Hardman leyfa góðum kaffigræjum að njóta sín.
Þessi fallega gula Moccamaster-kanna fékk að njóta sín á listamannaheimili Auðar Ýrar Elísabetardóttur í Hlíðunum.
Ingibjörg Ösp Stefánsdóttir og Magnús Geir Þórðarson eiga fallegt eldhús þar sem hellt er upp á mokkakönnu
Agnes Björgvinsdóttir, förðunarfræðingur og eigandi Blank Reykjavík, kann að raða fallega í kaffikrókinn sinn.
Á heimili í Kópavogi ráða dökkir litir og granítsteinn ríkjum. Eldhúsið er í uppáhaldi á heimilinu og kaffivélin fær sitt pláss.