Kallar eftir skyndifriðun á húsi til sölu

Örn Úlfar Sævarsson, spurningahöfundur og textasmiður með meiru, hefur sterkar skoðanir fyrir væntanlega kaupendur glæsihúss við Starhaga í Vesturbænum sem fór nýverið á sölu. 

„Skyndifriðun takk. Ekki skemma!“ skrifar Örn í tísti og birtir slóð inn á fasteignina á fasteignavef mbl.is. 

Margir virðast hjartanlega sammála. Ekki megi hrófla við neinu á þessu heimili. 

Einstök hönnun sem vekur athygli

Eignin sem um ræðir var byggt árið 1954 og hönnuð af Halldóri Jónssyni, en eins og sést hefur mikið verið lagt í innréttingarnar.

Þá er arinstofa í kjallara hússins sem vekur sannarlega mikla athygli, en það var innanhúss- og húsgagnahönnuðurinn Sveinn Kjarval sem hannaði hana.

Frétt af mbl.is

Glæsihús með arinstofu eftir Svein Kjarval

Sjá á fasteignavef mbl.is: Starhagi 8

• Blogga um frétt