Guðrún Ólöf Gunnarsdóttir prjónasérfræðingur og Kristján Kaj Brooks hafa sett glæsilegt einbýlishús sitt á Seltjarnarnesi á sölu. Húsið er 269 fm að stærð og var byggt 1978. Húsið hefur verið endurnýjað mikið á einstaklega smekklegan hátt.
Í eldhúsinu er stór og myndarleg innrétting með dökkum viðarhurðum. Í eldhúsinu er langur gluggi sem hleypir mikilli birtu inn. Stór eyja rammar inn eldhúsið en hún er klædd með hnausþykkum marmara sem rammar rýmið inn. Hátt er til lofts og vítt til veggja.
Baðherbergin í húsinu eru í takt við eldhúsið en þar eru samskonar innréttingar og í eldhúsinu. Flísar á gólfum og veggjum passa vel saman.
Eins og sjá má á myndunum á fasteignavef mbl.is er húsið sérlega fallegt og vel heppnað.