Edda og Ríkharður keyptu 500 fm glæsihús

Hjónin Edda Hermannsdóttir, markaðs-og samskiptastjóri Íslandsbanka, og Ríkharður Daðason fjárfestir hafa fest kaup á glæsilegu húsi á Seltjarnarnesi.

Um er að ræða 500 fm hús við Bakkavör á Seltjarnarnesi. Húsið var byggt 1990 og er teiknað af Kjartani Sveinssyni. Húsið stendur innst í botnlanga og er sérlega vandað og glæsilegt. Þar er til að mynda gegnheilt parket á gólfum og flísar frá Versace. Allir gluggar hússins eru úr harðviði. 

Frétt af mbl.is

350 milljóna Bakkavararhöll

Húsið er á tveimur hæðum og stendur á rúmlega þúsund fermetra eignarlóð. Það mun án efa fara vel um Eddu, Ríkharð og fjölskyldu í húsinu en samtals eiga þau fjögur börn og því nóg pláss fyrir alla. 

Smartland óskar þeim til hamingju með nýja heimilið. 

• Blogga um frétt