Halldór Hafsteinsson athafnamaður hefur sett glæsihús sitt við Bergstaðastræti á sölu. Húsið er skráð á félagið Wings Capital hf. sem hann á í félagi við aðra. Halldór hefur verið umsvifamikill í viðskiptalífinu og rekur vinsælar laxveiðiár ásamt öðrum. 

Wings Capital festi kaup á húsinu við Bergstaðastræti í júlí í fyrra og greiddi 235.000.000 kr. fyrir það.

Um er að ræða einstaklega fallegt og glæsilegt 267 fm einbýli sem byggt var 1930. Í eldhúsinu er svört innrétting með marmaraborðplötu og svörtum hurðum og fá PH-ljós úr gleri að njóta sín einstaklega vel í eldhúsinu. Eldhúsið er opið inn í borðstofu og tengjast rýmin á skemmtilegan hátt. 

Á baðherbergi fær marmari að njóta sín og er ekkert til sparað til þess að hafa heimilið sem glæsilegast. 

Kringum húsið er skjólagóður garður sem hægt væri að gera að verðlaunagarði ef fólk hefði tíma í það. 

Af fasteignavef mbl.is: Bergstaðastræti 78

Tengdar fréttir

Heimili

Arkitektahöll í Fossvogi með eftirsóknarverðum eiginleikum

• Sigurður Gísli keypti þriðju lúxusíbúðina í sömu blokk
• Inga og Bergur kíró selja 269 milljóna einbýli með Bose-hljómtækjum
• Ási selur draumaíbúð með leyniherbergi sem sumir þrá
• 10 hugmyndir að sumargjöfum frá þér til þín

» Fleiri tengdar fréttir

• Blogga um frétt