Við Huldubraut í Kópavogi var glæsilegt einbýlishús auglýst til sölu síðasta sumar. Um er að ræða 330 fm einbýli byggt 1992. Ásett verð var 297 milljónir króna. Þegar húsið fór á sölu voru veggir alrýmisins málaðir í fallegum gráum lit og á gólfunum var hlýlegt parket. Á efsta palli hússins er stór og björt stofa með fallegum arni og milljón króna útsýni yfir Fossvog, Öskjuhlíð og Nauthólsvík.
Eldhúsið er stórt og opið og draumur hvers listakokks. Þar er stór eyja með fallegum kvartssteini. Neðri skápar eru dökkir en efri skápar hvítir og kallast vel á.
Nú hefur húsið verið selt á 257.000.000 kr. Nýir eigendur eru Anna Margrét Sigurðardóttir og Gunnþór Björn Ingvason.