Fótboltamaðurinn Sverrir Ingi Ingason og Hrefna Dís Halldórsdóttir hafa fest kaup á 393 fm einbýli við Fróðaþing 35 í Kópavogi. Húsið var byggt 2009 og greiddu þau 231.000.000 kr. fyrir það. Húsið var auglýst til sölu í byrjun febrúar en parið hefur nú þegar fengið húsið afhent. Í fasteignaauglýsingu kom fram að hægt væri að vera með tvær íbúðir í húsinu.
Sverrir Ingi og Hrefna eiga dóttur sem er fædd 2019 og svo eiga þau von á öðru barni. Það mun því ekki fara illa um fjölskylduna í húsinu enda nóg pláss á þessum 393 fm.
Smartland óskar þeim til hamingju með húsið!