Birna Rut Willardsdóttir fyrrverandi fyrirsæta og Ingi Garðar Friðriksson bílasali á Bílasölu Íslands hafa fest kaup á einbýli í Fossvogi. Birna Rut komst í fréttir þegar hún var kornung eða þegar hún sigraði Ford-keppnina aðeins 16 ára gömul árið 1993. Þá var hún í 10. bekk í Dalvíkurskóla. 

Fjallað var ítarlega um nýja húsið þeirra Birnu Rutar og Inga Garðars þegar það fór á sölu í október í fyrra. Um er að ræða 285 fm einbýli á einni hæð. Húsið var byggt 1972 og var teiknað af Kjartani Sveinssyni. Gunnar Magnússon teiknaði allar innréttingar inn í húsið og voru þær sérsmíðaðar af Reyni Pálssyni. 

Húsið er á einni hæð með fjöl­mörg­um áhuga­verðum smá­atriðum. Fólk sem kann að meta hönn­un og stemn­ingu fyrri tíma á eft­ir að fá þrá­hyggju fyr­ir þessu húsi. Í hús­inu eru hvít teppi og granít á gólf­um en á baðher­berg­inu eru marmarflís­ar. 

Eld­húsið er með upp­runa­leg­um inn­rétt­ing­um en þó er búið að end­ur­nýja það að hluta til. Þar eru til dæm­is granít­borðplöt­ur og glans­andi loft­klæðning sem gef­ur eld­hús­inu sér­stöðu. 

Ar­in­inn í stof­unni er til dæm­is skemmti­lega hannaður en hann stúk­ar af tvær stór­ar stof­ur. Það sem ger­ir húsið ennþá skemmti­legra eru hús­gögn­in sem það prýða. Þar er til dæm­is að finna Maral­unga sófa­sett frá Cass­ina og leður­sófa frá átt­unda ára­tugn­um sem fær hjartað til að slá ör­lítið hraðar. 

Smartland óskar þeim til hamingju með þetta einstaka hús!