Óttar Sveinsson, höfundur vinsælu Útkallsbókanna, hefur sett sjarmerandi sérhæð sína í Grafarholti á sölu. Íbúðin er á annarri hæð í flottu húsi sem reist var árið 2003, en hún telur 187 fm.

Eldhús, stofa og borðstofa eru samliggjandi í rúmgóðu alrými með innfelldri lýsingu. Stórir gluggar hleypa mikilli birtu inn í rýmið, en mikil náttúrufegurð umlykur húsið og er útsýnið frá íbúðinni því sérlega glæsilegt. 

Eldhúsið er rúmgott með stílhreinni innréttingu.

Stórir gluggar veita guðdómlegt útsýni.

Stórar útsýnissvalir setja punktinn yfir i-ið

Fallegt gegnheilt parket úr eik prýðir gólfin og gefur íbúðinni hlýlegt yfirbragð. Frá eldhúsinu er útgengt á rúmgóðar og snyrtilegar svalir með glerhandriði sem hindrar ekki útsýnið. 

Íbúðin státar af þremur svefnherbergjum og tveimur baðherbergjum, en þar af er rúmgott og bjart hjónaherbergi með útgengi á svalir um tvöfalda hurð. Þá er aðalbaðherbergið vel útbúið með baðkari og sturtu, fallegri lýsingu og snyrtilegri innréttingu. 

Sjá á fasteignavef mbl.is: Ólagsgeisli 24

Svalirnar eru rúmgóðar og afar sjarmerandi.

Falleg náttúra umlykur húsið.

Tengdar fréttir

Heimili

Björg selur eina dýrustu íbúð miðbæjarins

• Kröftugir jarðtónar í 92 fm í Vesturbænum
• Fylltu La Primavera og fögnuðu af öllu hjarta
• Félag Guðmundar Fertrams kaupir glæsihús í 101
• Eru þeir sem skreyta fyrr hamingjusamari?

» Fleiri tengdar fréttir

• Blogga um frétt