Í byrjun ársins var glæsilegt einbýlishús við Fagraberg í Hafnarfirði auglýst til sölu. Ásett verð var 248.000.000 kr. Nú hefur húsið verið selt.

Jón Erling Ragnarsson, einn af eigendum Mekka Wines & Spirits, og Þórunn Dögg Johansen, einn af eigendum Athygli ráðstefna, festu kaup á einbýlishúsi við Fagraberg í Hafnarfirði á dögunum.

Þau keyptu húsið af Evu Björgu Sigurðardóttur kaupsýslukonu. Um er að ræða 340 fm einbýli sem reist var 1984. Húsið er á tveimur hæðum og hefur verið mikið endurnýjað. Eld­húsið var tekið í gegn árið 2016 og eld­hús­tæki end­ur­nýjuð. Svört granít­plata er á dökk­brúnni inn­rétt­ingu og eru flís­ar á milli efri og neðri skápa. Stof­ur, baðher­bergi og svefn­her­bergi eru máluð í dökk­grá­um lit sem ger­ir eign­ina hlý­lega. Stíll­inn held­ur sér um allt húsið og eru svart­ir, grá­ir og ljós­brún­ir mun­ir notaðir á móti gráu veggj­un­um. Gegn­heilt par­ket er í eld­húsi, stof­um og her­bergj­um og flís­ar á baðher­bergj­um, for­stofu og þvotta­húsi.

Það er því ekki skrýtið að Jón Erling og Þórunn hafi fallið fyrir húsinu en nú er einbýlishús þeirra við Suðurgötu 27 komið á sölu.