Í Fossvoginum er að finna götu neðarlega í hverfinu sem heitir Goðaland. Gatan hefur að geyma raðhús sem búa yfir töluverðri sérstöðu því þau eru á einni hæð sum hver, sem er óvenjulegt. Flest raðhús í hverfinu eru á pöllum en hverfið er byggt að sænskri fyrirmynd. 

Nú er eitt slíkt hús komið á sölu en það er 200 fm að stærð og var reist 1969. Húsið er teiknað af Guðmundi Kr. Guðmundssyni arkitekt. Bílskúr fylgir húsinu en hann er í bílskúralengju, ekki áfastur við húsið. 

Húsið er á skjólgóðum stað og er stór garður sunnanmegin við húsið. Hann er með timburverönd og hellulögðum stígum og skjólveggjum sem gera garðinn eftirsóknarverðan. 

„Húsið skiptist í forstofu, gestasnyrtingu, hol, borðstofu, stofu, eldhús, þvottahús, baðherbergi og þrjú svefnherbergi (skv. teikningu eru herbergin fimm og er auðvelt að bæta við auka herbergjum),“ segir í fasteignaauglýsingu. 

Ásett verð er 179.400.000 kr.

 
Sjá nánar á fasteignavef mbl.is: Goðaland 19

Tengdar fréttir

Heimili

Edda og Jón Trausti selja 350 milljóna arkitektahöll

• Hönnunarraðhús selt á 216 milljónir
• Sturluð efri sérhæð við Flókagötu
• Landsliðskona setur 145 fm íbúð á sölu
• Halla Gunnarsdóttir selur 143,5 milljóna parhús

» Fleiri tengdar fréttir

• Blogga um frétt