Við Hallkelshóla í Grímsnesinu er að finna einstakt 155 fm sumarhús sem reist var 2008. Húsið er stórt og myndarlegt, með fallegu útsýni og tveimur veröndum í garðinum. 

Á efri pallinum er rafmagnsheitapottur, kaldur pottur, infrarauð saunatunna og grillskýli. Á neðri pallinum er hlaðið eldstæði. Á veröndinni er lýsing og útihátalarar sem er sérlega eftirsótt ef fólk vill gera sér glaðan dag á björtu sumarkvöldi. Veröndin er töluvert stærri en húsið sjálft eða 300 fm að stærð.

„Komið er inn í stórt anddyri þar sem er skápaveggur, útgengi út á verönd um rennihurð. Stofa og eldhús er opið í eitt, þar er upptekið panilklætt loft. Gólfsíðir gluggar og rennihurð út á verönd. Arinn er í stofu. Grá/brún eldhúsinnrétting með granítborðplötu er í eldhúsinu. Þrjú svefnherbergi. Baðherbergi með flísalögðum sturtuklefa, tengi fyrir þvottavél og þurrkara, upphengt salerni. Á baðinu er innrétting með granítborðplötu. Útgengt er á verönd úr baðherbergi. Náttúruflísar eru á öllum gólfum með gólfhita með nýju hitastýringakerfi. Allar innréttingar eru frá Agli Árnasyni. Nýjar hvítar innihurðir. Húsið hefur nýlega verið málað bæði að utan og innan,“ segir í auglýsingu á fasteignavef mbl.is. 

Sjá nánar á fasteignavef mbl.is: Hallkelshólar lóð 119