Svala Haraldsdóttir, löggiltur fasteignasali hjá Ási fasteignasölu, segir síðustu daga á fasteignamarkaðnum hafa verið ansi líflega. „Eins og bjartsýni landsmanna aukist með hækkandi sól.“

Markaðurinn varð rólegur í febrúar eftir líflega byrjun í janúar, aftur á móti tók hann kipp í mars og apríl sem hefur haldið áfram síðustu daga.

Spurð um áhrif 0,93% hækkunar verðbólgu frá mars til apríl segir Svala það hafa haft áhrif en ekki í eins miklum mæli og ætla mætti.

„Þó að við finnum fyrir því að fyrstu kaupendur sem ekki falla undir hlutdeildarlánaskilyrðin haldi meira að sér höndum.“

Nokkrar andstæður er að finna í vinsælustu íbúðunum um þessar mundir, en Svala segir fasteignasala finna fyrir að ódýrar tveggja herbergja íbúðir fari hratt og að sama skapi einbýlishúsin, sem seljist vel um þessar mundir.

Eru einhver hverfi vinsælli en önnur?

„Ef ég tala fyrir okkur hérna á Ási fasteignasölu þá eru það Hamranesið, Norðurbærinn, Setbergshverfið og Áslandshverfið [í Hafnarfirði] sem eru mjög vinsæl hverfi, auk þess sem miðbærinn er alltaf vinsæll og þá sér í lagi Norðurbakkinn og Skipalónið.“

Tengdar fréttir

Heimili

Birna og Burkni selja 144 fm einbýli

• Andri og Sólrún María selja fagra hæð í 101
• Sigmar fluttur út úr húsinu
• Lúxushús í Akrahverfinu selt á 380 milljónir
• Ástráður Haraldsson selur yfirgengilega smart einbýli

» Fleiri tengdar fréttir