Nokkrar leiðir til að fegra heimilið

Amélie-hægindastóllinn frá Saba kemur með ferskan og töfrandi blæ inn á heimilið. Hann var hannaður af Sergio Bicego og fæst í Módern. Hann kostar frá 334.000 kr.

Ljós tauáklæði njóta vinsælda um allan heim um þessar mundir – ekki bara á Íslandi. Það eru þó ekki bara húsgögn úr tauáklæði sem þykja smart heldur hefur ljós viður aldrei verið vinsælli. Kastljósið beinist að ljósri eik, sem er ákveðinn léttir. Á dögunum kom ný Stockholm-lína frá Ikea en í henni var að finna fjöldann allan af ljósum eikar-húsgögnum sem slegist er um.

Betty TK5 frá Thau & Kallio fegrar hvert rými. Hann fæst í Epal og kostar 148.000 kr.

CUBISM-borðið fæst í Officina. Það kostar 169.990 kr.

Heimilið fær hátíðlegt yfirbragð með ljósum húsgögnum. Þessi stóll er frá Pure Living og fæst í Heimahúsinu. Hann kostar 239.000 kr.

Þessi skápur úr Stockholm-línu Ikea sló rækilega í gegn þegar línan var frumsýnd í Stokkhólmi í febrúar. Hægt er að kaupa hann á ikea.is og í versluninni.

Hringborð getur brotið upp rýmið á sjarmerandi hátt. Þetta borð fæst í Heimahúsinu og kostar 598.000 kr.

Glerborð frá Gubi. Fæst í Epal á 192.000 kr.

Geo-skemilinn hannaði Paolo Grasselli. Skemillinn fæst í alls konar litum og áferð og sá ódýrasti kostar 90.000 kr. í Módern.

Le Roi-stóllinn þykir ógurlega smart. Hann er fallegur einn og sér en líka við önnur húsgögn eins og sófa. Hann kostar 285.990 kr.

Gravity-lampinn frá Gubi kemur með fegurð inn í hvert rými. Hann kostar 380.000 kr. og fæst í Lumex.

Hamilton-sófinn frá Minotti er löngu orðinn klassískur. Hægt er að raða honum saman að vild. Hér sést hvað það er fallegt að hafa ljósan sófa við viðarklædda veggi.