Arnór Hreiðarsson, ráðgjafi og eigandi Baunir & ber, og Sólrún Sigurðardóttir, sérfræðingur í sjálfbærni hjá Háskóla Íslands, hafa fest kaup á fallegu raðhúsi við Einarsnes í Skerjafirði.

Þau eiga íbúð við Reynimel og fjallaði Smartland um íbúðina þegar hún fór á sölu. Um er að ræða ofurfallega 120 fm íbúð með eldhúsinnréttingu úr burstuðu stáli svo eitthvað sé nefnt. 

Í ágúst var snoturt raðhús við Einarsnes auglýst til sölu. Um er að ræða 181 fm raðhús sem reist var 1972. Búið var að taka húsið í gegn að hluta til. Þó var ekki búið að eyðileggja stílinn á húsinu því á ganginum niðri voru keramikflísar sem eru líklega upprunalegar. 

Arnór og Sólrún greiddu 170.000.000 kr. fyrir raðhúsið sem þau keyptu af Huldu Guðjónsdóttur og Páli Rafnar Þorsteinssyni. 

Smartland óskar Sólrúnu og Arnóri tl hamingju með nýja húsið!