Smartland Mörtu Maríu | Heimili og hönnun | mbl | 28.10.2025 | 11:16

Forsetaframbjóðandi selur 270 milljóna íbúð

Íbúðin við Ægisíðu er glæsileg. Samsett mynd

Pétur Kristján Hafstein lögfræðingur, fyrrum hæstaréttardómari og forsetaframbjóðandi hefur sett glæsilega íbúð við Ægisíðu á sölu. Pétur á þriðjungshlut í íbúðinni á móti eiginkonu sinni, Ingibjörgu Ástu Hafstein, og syni þeirra Pétri Hrafni Hafstein. Íbúðin hefur verið í eigu þeirra þriggja síðan 2012. Þegar þau festu kaup á íbúðinni var Rut Káradóttir innanhússarkitekt ráðin í vinnu og sá hún um að endurhanna íbúðina.

Forsetaframbjóðendurnir Pétur Kristján Hafstein, Guðrún Agnarsdóttir og Ástþór Magnússon 1996. Myndin var tekin í sjónvarpssal fyrir lokaumræður kosningabaráttunnar. mbl.is/Þorkell Þorkelsson

Pétur Kristján bauð sig fram til embættis forseta Íslands 1996 og varð í öðru sæti á eftir Ólafi Ragnari Grímssyni sem gegndi embættinu til 2016.

Íbúðin við Ægisíðu er 270 fm að stærð og sérlega glæsileg. Fallegir gluggar prýða íbúðina og er útsýni út á Atlantshaf og yfir til Bessastaða.

Húsið við Ægisíðu er tvíbýlishús. Fasteignavefur mbl.is

Íbúðin er máluð í hlýjum gráum tónum sem fara vel við hljóðfæri og myndlist. Fasteignavefur mbl.is

Gunnar Ólafsson arkitekt teiknaði húsið sem var reist 1953. Húsið hefur fengið gott viðhald í gegnum tíðina og er garðurinn í kringum húsið vel hirtur.

Sjá nánar á fasteignavef mbl.is: Ægisíða 72