Við Kleifarveg í Reykjavík er að finna snoturt 240 fm einbýlishús sem reist var 1955. Húsið er teiknað af Sigvalda Thordarsyni og státar af fallegum húsmunum. 

Húsið er á tveimur hæðum og stendur á fallegum stað með útsýni yfir bæinn, sundin blá og Snæfellsjökul. 

Eldhúsið var nýlega gert upp. Þar eru dökkar innréttingar í forgrunni og fallegur steinn á borðplötum. Veggir í eldhúsinu eru málaðir í hlýjum sveppalit sem flæðir í inn í fleiri rými hússins. 

Í stofunni er fallegu arinn sem er smekklega hannaður og yfir borðstofuborðinu eru upprunaleg ljós sem hanga niður úr loftinu. Stiginn upp á efri hæðina er listaverk út af fyrir sig með koníakslituðu handriði sem leiðir að vegg þar sem er að finna ljósmyndir eftir Jón Kaldal, einn fyrsta portrett-ljósmyndara Íslands. Þar má sjá ljósmyndir af Kjarval, Steini Steinari, Ástu Sigurðardóttur og fleira listafólki þess tíma. 

Sjá nánar á fasteignavef mbl.is: Kleifarvegur 1