Valgerður Halldórsdóttir sérfræðingur í stjúptengslum býr í stórkostlegu húsi í Hafnarfirði. Húsið býr yfir ríkri sögu og hefur Valgerður mikla tengingu við húsið því hún hefur fest kaup á því tvisvar. Hún keypti það upphaflega með fyrri manni sínum en þegar leiðir skildi keypti hún hann út úr húsinu og lagði mikið á sig til þess að geta gert það.

Þegar ég spyr Valgerði út í þetta segist hún hafa unnið eins og skepna til að láta enda ná saman. Til þess að geta haldið áfram að lifa og hafa gaman hefur hún oft notað húsið í íbúðaskipti. Hún segist ekki vera neitt feimin við það enda ekkert inni á hennar heimili sem ekki þoli dagsljósið. 

Stíllinn hennar Valgerðar er litríkur og skemmtilegur. Hún hefur unun af fallegri myndlist og í húsinu má sjá mikið af bókum og veggfóðraða veggi. 

Það er þó ekki hægt að tala við Valgerði nema spyrja hana út í sérsvið hennar, sem eru stjúptengsl. Hvað geta íslenskar stjúpfjölskyldur gert betur? Hvað veldur togstreitu í sambúð hjá stjúpfjölskyldum og hvers vegna fara börn í stjúpfjölskyldum fyrr að heiman? Þessum spurningum svarar hún í þættinum.

Tengdar fréttir

Heimilislíf

„Ég á kærasta sem er með miklar skoðanir sem er mjög gott“

• Flutti til Íslands þegar Boris Johnson skellti í lás
• Fluttu tíu sinnum á 13 árum og elska að búa í Vesturbænum
• Voru að skoða fúin hús í 101 en enduðu í Hlíðunum
• „Við keyptum húsið og þetta er það sniðugasta sem við höfum gert“

» Fleiri tengdar fréttir

• Blogga um frétt