Vala Garðardóttir fornleifafræðingur býr í Bjálkahúsi í Mosfellsdal ásamt eiginmanni sínum, Ásgeiri Ragnarssyni lögmanni. Þegar þau voru að innrétta húsið fengu þau Björgvin Snæbjörnsson arkitekt til að hanna innréttingar. Í eldhúsinu er afar fallega græn innrétting og þurfti að hafa mikið fyrir því að velja rétta litinn á innréttinguna. Þegar kom að því að hanna eldhúsið voru hjónin, sem eru mjög samhent dagsdaglega, ekki alveg sammála hvernig eldhúsið ætti að snúa. Aðalmálið var hvort það ætti að vera eyja og hvar vaskurinn ætti að vera? Úr varð að Móskarðshnjúkar blasa við þeirri manneskju sem eldar hverju sinni. 

Hvaða steinn er á borðplötunni?

„Ég fékk hann í Fígaró, þetta er granít með leðuráferð. Það er eins og þetta sé hamrað. Það er hægt að henda hverju sem er á þetta, pottum og öllu því. Þetta þolir allt,“ segir Vala.

Lá það fyrir að eldhúsið ætti að vera svona?

„Nei, þar vorum við óssammála, ég og maðurinn minn. Yfirleitt eru það konurnar sem ráða hvernig eldhúsið á að vera,“ segir hún og hlær.

„Þetta er samt svo fyndið af því að þegar við vorum að hugsa um þetta var hann með mjög sterkar skoðanir á því hvernig eldhúsið ætti að vera. Hann hefur samt eiginlega aldrei eldað. Þetta varð sameiginleg útkoma. Ég vildi ekki hafa eyju, ég vildi hafa vaskinn hér,“ segir hún. 

Frétt af mbl.is

Æskudraumurinn rættist í bjálkahúsinu

Tengdar fréttir

Heimilislíf

Féllu fyrir húsi í niðurníðslu og gáfu því nýtt líf

• Vinkona Völu kemur reglulega í heimsókn til þess að fara í bað
• Æskudraumurinn rættist í bjálkahúsinu
• Rut Kára setti svarta Vipp-eyju inn í mitt rými
• „Ég hef alltaf verið raðari“

» Fleiri tengdar fréttir

• Blogga um frétt