Berglind Pétursdóttir byrjar helst ekki að hlusta á jólalög fyrr en í desember. Á milli þess sem Berglind skemmtir fólki í sjónvarpinu á föstudagskvöldum vinnur hún á auglýsingastofu sem gerir það að verkum að sleðabjölluhljómur fær stundum að óma í vinnunni fyrir jólamánuðinn.
„Þegar maður vinnur á auglýsingastofu eiga jólin það nefnilega til að banka upp á mörgum mánuðum fyrr,“ segir Berglind sem segist komast í jólaskap um leið og fyrsta snjókornið fellur til jarðar.
Berglind, sem getur verið í miklu jólaskapi í marga mánuði, leyfir hátíðleikanum að ráða ríkjum þegar jólin ganga í garð á aðfangadagskvöld. „Við hlustum á Útvarp Reykjavík, gleðileg jól og kirkjuklukkurnar. Síðan setur maður bara í sig eyrnatappa til að geta borðað í friði fyrir æstum börnum,“ segir Berglind.
Berglind tók saman lista af nokkrum jólalögum sem hún mælir með.
Þú komst með jólin til mín - Björgvin Halldórsson og Ruth Reginalds
„Þetta er besta jólalagið. Ég mæli með að drekka nokkra jólabjóra, hlusta svo á lagið og reyna að fá ekki kökk í hálsinn. Ekki hægt.“
Fyrir jól - Purumenn
„Skemmtileg ábreiða af einu sérkennilegu en mjög skemmtilegu jólalagi.“
Það snjóar - Sigurður Guðmundsson
„Það snjóar bara og snjóar en samt heldur hann heilög jól.“
Happy Xmas (War Is Over) - John Lennon
„Þetta er ómissandi.“
Real Love - Tom Odell
„Kannski ekki beint jólalag en það var notað í frægri jólaauglýsingu og er einstaklega angurvært.“
The Secret of Christmas - Ella Fitzgerald
„Jólin snúast ekki um hvað við gerum á jólunum, heldur jólalegu hlutina sem við gerum allt árið um kring.“
Last Christmas - Wham
„Ég dýrka George Michael og ég dýrka þetta lag.“
Christmas Time is Here - Vince Gueraldi Trio
„Ég horfi alltaf A Charlie Brown Christmas um jólin og þetta lag er bara allt of sætt.“
Christmas (Baby please come home) - Mariah Carey
„Ég hélt að All I Want for Christmas væri besta jólag Maríu Carey, en svo heyrði ég þetta og skipti strax um skoðun.“
AuldLangeSyne - Snorri Helgason
„Af hinni stórkostlegu jólaplötu Hvíld og ró. Ég hvílist og róast bara við að hugsa um hana.“