Það er ótrúlegt að fylgjast með hugmyndum fólks fyrir jólin á samfélagsmiðlum. Hjá þeim sem elska að fá sér glas af léttu víni með mat og eiga lager af flöskum má alltaf skoða að nota flöskurnar í alls konar jólaskraut.
Á Upscale Luxury-síðunni má sjá heilt jólatré úr vínflöskum. Þar birtast reglulega skemmtilegar myndir og kröftug hvatningarorð fyrir alla sem vilja ná markmiðum í lífinu.
Eitt er víst; umhverfið hefur sjaldan eða aldrei skipt eins miklu máli og í dag. Af hverju ekki að nota vínflöskuna sem notuð er til að undirbúa jólamatinn til skrauts, eða gá í geymsluna og búa til tré úr því sem til er.