Skartgripahönnuðurinn Hildur Hafstein bauð í aðventukokteil á vinnustofu sinni á dögunum. Boðið var upp á jólarauðvín og laufabrauð. Margar af flottustu konum landsins mættu til Hildar en þar á meðal var Kristín Björgvinsdóttir sem var með sólgleraugu inni í skammdeginu.
„Sem fyrr eru orkusteinarnir í fyrirrúmi, en nú mjög fínlegir og demantsskornir, bæði bundnir upp og þræddir í silfurkeðju. Indíánafjöðrin sem stendur fyrir fallegan boðskap eins og frelsi, visku, traust, sannleika, heiður og styrk er innblástur og fallegar silfurfjaðrir prýða gripina. Svo eru líka mikið úrval litríkum armböndum, silfur og gyllt, fallegar festar, stuttar og síðar, bæði keðjur og hnýttar steinafestar. Fullt af flottum eyrnalokkum og svo er falleg gjafavara frá House Doctor líka á boðstólnum,“ segir Hildur.