Tímamótasamstarfi fagnað í prentsmiðjunni

Áramótablaði undir merkjum Morgunblaðsins og The New York Times var fagnað í gærkvöldi í Landsprenti, prentsmiðju Árvakurs. Blaðið heitir Tímamót og er unnið í samstarfi við bandaríska dagblaðið The New York Times. Í blaðinu er að finna efni eftir blaðamenn beggja blaðanna. 

Davíð Oddsson ritstjóri Morgunblaðsins og Kári Stefánsson forstjóri Íslenskrar erfðagreiningar fluttu ræður í tilefni af þessum tímamótum. „Þetta er afgerandi skref fram á við sem vonandi leiðir okkur til frekara samstarfs, lesendum Morgunblaðsins til hagsbóta,“ sagði Óskar Magnússon, útgefandi Morgunblaðsins.