Biggest Loser-þjálfarinn á árshátíð

Líkamsræktardrottningin Guðríður Torfadóttir sem varð mjög þekkt þegar hún þjálfaði keppendur í íslenska Biggest Loser lét sig ekki vanta á árshátíð Reebok fitness þar sem hún starfar. 

Árshátíðin var haldin í Gjánni í Grindavík og var ákaflega vel heppnuð eins og myndirnar sýna. 

Vilhelm Anton Jónsson eða Villi Naglbítur eins og hann er kallaður var veislustjóri og Pétur Jóhann Sigfússon, Jónsi í Svörtum fötum og Jón Jónsson héldu uppi stuðinu milli þess sem gestir dilluðu sér við ljúfa tóna plötusnúðanna.