Smartland og K100 buðu lesendum og hlustendum í Smárabíó á myndina Stóri dagurinn, sem er frönsk grínmynd um brúðkaupsundirbúning sem fer algerlega úr böndunum. Salurinn hló allan tímann enda er myndin algert met eins og sagt er. Þegar aðstæðurnar geta ekki orðið verri þá gerist eitthvað óvænt sem toppar allt. Á köflum minnir Stóri dagurinn á Klown, nema í myndinni eru ekki tveir jólasveinar í aðalhlutverkum heldur tvær þokkadísir og einn venjulegur karl með mikinn X-faktor eins og sagt er. 

Kvik­mynd­in Stóri dag­ur­inn, í leik­stjórn Reem Kherici, er mögnuð frönsk grín­mynd um óvenju­leg­an ást­arþrí­hyrn­ing. Hún leikur líka eitt af aðalhlutverkunum ásamt Nicolas Duvauchelle og Ju­lia Piat­on. 

Stóri dag­ur­inn fjall­ar um Mat­hi­as sem neyðist til að skipu­leggja brúðkaupið með unnust­unni og líka hjá­kon­unni! Hjá­kon­an starfar nefni­lega sem brúðkaups­skipu­leggj­andi. For­saga máls­ins er sú að hann svaf hjá brúðkaups­skipu­geggj­ar­an­um og hún laumaði nafn­spjaldi sínu í jakk­ann hans með von um áfram­hald­andi sam­band. 

Eins og með flest allt sem kemur frá Frakklandi þá er myndin ekki aðeins með leiftrandi húmor heldur líka svo falleg fyrir augað. Guðdómleg húsakynni, trylltar skreytingar og umhverfi sem kallar fram sælutilfinningu. 

Smartland og K100 vill þakka öllum fyrir komuna! Það var gaman að sjá svona mörg glöð andlit undir sama þaki.