Halldór Friðrik Þorsteinsson var einu sinni verðbréfamiðlari en nú fagnar hann útkomu sinnar fyrstu bókar, Rétt undir sólinni. Bókin er spennandi ferðasaga en Halldór Friðrik ákvað að skoða heiminn og má sjá afrakstur ferðalagsins í þessari bók. Í hálft ár ferðaðist hann frá vesturströnd Afríku austur á bóginn og síðan suður að syðsta odda álfunnar. Á leið sinni hitti hann skrautlegt fólk sem lá mikið á hjarta. 

Rétt undir sólinni er fyrsta bók Halldórs Friðrik og er hún gefin út af Crymogeu. Í tilefni af útkomu bókarinnar var blásið til teitis og eins og sést á myndunum var vel mætt.