Kvikmyndin Víti í Vestmannaeyjum var frumsýnd í Sambíóunum Egilshöll í gær, fimmtudag. Myndin er byggð á bók Gunnars Helgasonar og lék Gunnar á als oddi á frumsýningunni. 

Bragi Þór Hinriksson leikstýrir myndinni sem segir frá hinum tíu ára gamla Jóni Jónssyni sem keppir með liði sínu Fálkum á fótboltamóti í Vestmannaeyjum. Ungu leikararnir bera því hitann og þungann í myndinni en einnig leika þau Ilmur Kristjánsdóttir, Jói Jóhannsson, Siggi Sigurjóns og Nanna Kristín Magnúsdóttir í myndinni. 

Börn og fullorðnir sameinuðust þegar myndin var frumsýnd og var mikið stuð í bíóinu eins og sést á myndum frá frumsýningunni.