Starfsfólk Advania skemmti sér konunglega um helgina þegar árshátíð fyrirtækisins var haldin. Fyrr um daginn fjölmennti starfsfólk á hvetjandi morgunfund í Valsheimilinu þar sem María Ellingsen, Bergur Ebbi og Ásgeir Jónsson ræddu um framtíðina á heimspekilegum nótum. 

Seinna um kvöldið mætti fólk aftur í Valsheimilið þar sem Jón Jónsson, Jói P og Króli komu fram að ógleymdu fjölskipuðu húsbandi Advania sem lék fyrir dansi fram á rauða nótt.

Rafmagnið fór af húsinu á miðri árshátíð en það kom ekki að sök og skemmtu gestirnir sér konunglega í almyrkvuðu Valsheimilinu í dágóða stund áður en tæknimenn björguðu málunum.