Fólk fjölmennti í Geysi Heima á Skólavörðustíg á föstudaginn þegar myndlistarkonan Melkorka Katrín eða Korkimon eins og hún kallar sig opnaði sína fyrstu einkasýningu á Íslandi.
Nafnið Korkimon varð til þegar Melkorka var um það bil 11 ára. Hún hafði sérstakan áhuga á Pokémon-þáttunum og karakterum og byrjuðu systkini hennar að blanda saman gælunafninu hennar, Korka, við Pokémon og úr varð Korkímon.
Í hönnunar- og lífstílsversluninni Geysi Heima er starfrækt lítið listagallerí í kjallaranum en galleríið nefnist einfaldlega Kjallarinn.