Það var frábær stemmning í Gullhömrum þegar upplýsingatæknifélagið Origo hélt árshátíð þar. Geimþema var á árshátíðinni og gengu sumir lengra en aðrir og skreyttu sig í anda dagsins.  

Skothelt lið skemmtikrafta lét svo gamminn geysa við mikla gleði veislugesta. Þar á meðal var Eyþór Ingi með ógleymanlegar eftirhermur, hljómsveit Origo steig á svið við gríðarleg fagnaðarlæti og svo spiluðu Hreimur, Vignir og félagar fyrir dansi. Jónsi í Svörtum fötum og Júlíanna Sara leikkona héldu svo dyggilega utan um alla veislustjórn.