Viðreisn og Neslistinn héldu kosningahátíð í kosningamiðstöð sinni við Sundlaug Seltjarnerness í gær. Kosningamiðstöðin er í sögufrægum söluskála sem meðal annars hefur hýst Skarasjoppu og Systrasamlagið, sem því miður hætti starfsemi sinni fyrir rúmu ári.
Á kosningahátíðinni var boðið upp á hollan skyndibita eins og niðurskorna ávexti og grænmeti ásamt heilsute og safa.
Skemmtiatriðin voru ekki af verri endanum. Oddviti Viðreisnar, Karl Pétur Jónsson, hélt örstutt ávarp, svo steig Helgi Björnsson á stokk og ákallaði rigninguna sem að þessu sinni lét ekki sjá sig. Að lokum birtist sjálf Lína Langsokkur ásamt Hr. Níels og trylltu þau börn Seltirninga um skeið.