Forstjórar, tækni- og framkvæmdastjórar fjölmenntu á Origo-golfmótið sem fram fór á Hlíðavelli í Mosfellsbæ á dögunum. Um 80 golfarar tóku þátt í mótinu sem byggir á því besta frá golfmótum Applicon og Nýherja, sem nú mynda Origo. Mótafyrirkomulagið var Texas Scramble og því gátu allir tekið þátt. Þetta var því skotheld skemmtun fyrir golfara sem margir hverjir sýndu ágæt tilþrif á golfvellinum. Botninn var sleginn í mótið með glæsilegum kvöldverði og verðlaunaafhendingu með græjum frá Bose, Sony og Lenovo úr netverslun Origo.