Frábær þátttaka var í golfmóti Landssambands sjálfstæðiskvenna sem haldið var á Hamarsvelli í Borgarnesi á dögunum. Meira en 70 konur tóku þátt í stuðinu og var Ragnhildur Sigurðardóttir, margfaldur Íslandsmeistari í golfi, mótsstjóri. 

Spilað var í tveimur forgjafaflokkum og kepptu kylfingar um Sjálfstæðissleggjuna og Fálkadrottninguna. Þá voru einnig veitt nándarverðlaun og verðlaun fyrir fæst högg. Áslaug Arna Sigurbjörnsdóttir stýrði gleðinni að loknu móti og var hún í sérlegu stuði þar sem hún var að hita upp fyrir veislustjórn í brúðkaupi föður síns sem fram fór um nýliðna helgi. 

Eins og sést á myndunum er golf mikið stuð!